Trepça Sh.A. përmes platformës Kosovo Generation Unlimited ka bërë shpallje për punë praktike në Njësinë Biznesore Miniera me Flotacion Trepça Stantërg dhe në menaxhmentin e Trepça Sh.A.

Trepça Sh.A. ka bërë shpallje për punë praktike në këto profile:

• 1. Inxhinier i Elektros (2 pozita)
• 2. Kimist (2 pozita)
• 3. Inxhinier i Makinerisë (2 pozita)
• 4. Kimist në laborator (4 pozita)
• 5. Axhustator (4 pozita)
• 6. Elektricist (2 pozita)
• 7. Gjeodet (2 pozita)
• 8. Mekanik (2 pozita)
• 9. Metalogdhendës (2 pozita)
• 10. Saldues elektrik - autogjen (2 pozita)
• 11. Ekonomist (1 pozitë)
• 12. Jurist (1 pozitë)

Kosovo Generation Unlimited është një koalicion shumë-sektorial për bashkëpunim, me qëllim të rritjes së investimeve për dhe me të rinjtë, që ata të mund të shfrytëzojnë dhe rrisin potencialin e tyre. Përmes bashkepunimit në mes të institucioneve qeveritare, partnerëve zhvillimorë, akterëve e sektorit privat, dhe organizatave e shoqërisë civile K-GenU fuqizon dhe angazhohet me të rinjtë duke i lidhur ata me mundësi për të përmirësuar apo lehtësuar kalimin e tyre nga shkolla në punë, përmes programit të punës praktike. Ky program shoqërohet me trajnime për zhvillimin e aftësive dhe mentorim për të lehtësuar pervojën e të rinjve në tregun e punës.

Përmes bashkëpunimit në mes të institucioneve qeveritare, partnerëve zhvillimorë, akterëve të sektorit privat, dhe organizatave e shoqërisë civile, K-GenU fuqizon dhe angazhohet me të rinjtë duke i lidhur ata me mundësi për të përmirësuar apo lehtësuar kalimin e tyre nga shkolla në punë.

Me angazhimin në programin e punës praktike K-GenU, të rinjtë përfitojnë mundësi:

• 1. Të ndërtojnë CV-në e tyre
• 2. Të lidhen me entitete të sektorit publik dhe privat
• 3. Të angazhohen në punë praktike tre-mujore – me kompensim financiar, duke u bazuar në fushën e tyre të interesit
• 4. Të ju caktohen mentorë për ngritjen e kapaciteteve dhe mbështetjen përgjatë rrugëtimit të tyre
• 5. Të përfitojnë nga mundësitë e trajnimit dhe qasje në qendrën tonë të burimeve

Për të aplikuar në profile e lartcekura ju duhet të regjistroheni në platformën e Kosovo Generation Unlimited si praktikant.

Për informata shtesë ju lutem kontaktoni contact@trepcasha.com ose në numrat kontaktues 028-538-050 dhe 028-531-133